Magda Louw, Episode 9

Magda bevind haarself op ’n plek waar sy altyd gesweer het, sy nooit sal wees nie. ’n Plek waar sy in haar seun se oë moet kyk, sy sak haar kop in skaamte.

Magda vind ’n sosiale media kenner om hulle te help om hulle sosiale handelsmerk uit te brei, maar hoe gemaak as mens net MS-DOS ken?

Magda word genader om ’n nuwe produk aan haar mense af te smeer, en glo vas dis nie ’n piramide skema nie.

Giel raak siek en Magda besef sy het dalk nie net een nie, maar twee baie groot foute begaan.

Magda herinner vir Erhard aan ’n baie groot fout wat hy in die verlede begaan het. Giel moet geopereer word.

Magda en Erhard reël ’n Sondagmiddag-braai met die familie. Almal word gekonfronteer met ’n tragiese gebeurtenis.

Dis Gertrude se ooievaarstee, lekker ongemaklik soos dit moet wees. Almal ontmoet ’n nuwe lid van die familie.

Magda erken dat sy nie ’n goeie baba-mamma is of ooit was nie. Gertrude sukkel ook maar om haar kop bo die doeke te hou.

Magda soek verwoed babaname vir Gertrude se kleinding en besef dat daar baie meer in ’n naam skuil as net die naam self.

Erhard se broer, Ferdinand, kom maak ’n draai. Die kuiertjie is lekker totdat Erhard begin snuf in die neus kry oor die rede vir sy besoek.

Magda verloor iets kosbaar en in haar soeke, vind sy iets skokkend. Wat gaan sy doen as iets baie meer kosbaar verloor?

Ferdinand probeer ’n romantiese kamp reël vir Magda en Erhard, maar hoe gemaak as alles en nog meer verkeerd loop?

Dis die doop, almal is opgewonde, maar Magda besef dat sy iets uit die boks moet doen om weer Erhard se stert te laat waai.